駕車準時九時前到碼頭，但係沒有準時出發。
我們在海邊的涼亭等到九時半才有船
一架船有十個客，可能是個sales是講廣東話的關係，成船客都講廣東話。
一個馬拉人船夫，冇導遊。架快艇有時行得好快，好拋吓!
成船人都睇到哇哇聲，因為海面上全都是膠樽垃圾浮來浮去，數以萬件，點解會咁? 海面上都是木條，膠樽、真是不忍心。是否一向都是這樣? 或是最近有垃圾船跌了大量垃圾引至?為何沒有人撈起垃圾?好失望，想不通。
第一站，先到了一個外島(不知叫什麼島)，因為好多木條從沖到海灘，所以都冇咩人落水游 。
大家只在岸邊行來行去，而且還要小心翼翼，因為有時有些玻璃樽在岸邊。
第二站睇鷹，快艇停在海中拋了些肉，引來百隻鷹。
但好難影。
第三站，是孕婦島游湖水，水是淡水的。
中間個正方形的小水池好淺水，可以給小朋友玩水，但其他就係個湖，好深好深，水是深綠的。中間個正方形的小水池好淺水，可以給小朋友玩水，但其他就係個湖，好深好深，水是深綠的。
來多了幾個人，阿哥阿妹終於踏出一步落水。
臨走時，成班剛到的人著住救生衣跳落大湖中
哇，跳得好開心。
中午十二點幾，要回程喇!
回程時，發生奇怪事，架快艇竟然停在海中心，原來係冇油，咁都得?!
個船夫call人幫手，又冇同我地講發生咩事，等幾耐。
我們一家得閒就好輕鬆，但另船上另一家因約了其他人二時在碼頭出船去其他地方，他們就非常焦急。
等的時間就影吓相啦。這幾日天氣都不是太晒，多雲間中有陽光，好理想的天氣。
等了四十分鐘，有另一快艇的船夫送來了電油。
返到resort，休息一陣，又再出發駕車去西面的珍南海灘。因為不熟路，慢慢駕車，所以多於三十分鐘才到達。
我們將駕車泊在商場的停車場，泊車費都係每小時ＲＭ１，就行去這個浮羅交怡最人氣的海灘。
呢個沙灘比今早的外島海灘整潔多了，因為有人清理垃圾，還見到有洋人拿著金屬探測儀測去清理海灘，可以放心游水喇。
海灘面積不少，好廣闊，行幾步只深水少少。
行得好遠都係不太深水。
水退時，沙灘面積更大更廣。
蟹仔同d沙一樣顏色，好難發現。
水退，沙灘的面積真的很大很大。
返到resort的花園，泳池已快close，既然已穿好泳衣，不要浪費這美麗的景色，立即跳入泳池浸吓
這間De Baron Resort雖然係舊d，但勝在家庭四人房好大，呢個望海的有泳池的後園又好靚，好relax，~HKD500/晚好抵。
今晚又一次看日落，晚霞好靚。
No comments:
Post a Comment